Bloga

Ondare komuna defendatu, elkartasuna Errekaleorreko biztanleekin

Want create site? Find Free WordPress Themes and plugins.

Guk ere argi daukagu. Ez da onargarria bizitza eta jabetza eraldatzaile eta kolektiboen alde egin duten proiektuen kontra egitea. Ez da onargarria udal batek eta alkate batek herritarren bizi baldintzen kontra egitea. Ez da onargarria multinazionalen eta kapitalaren interesak babesteko erakunde publikoak erabiltzea.

Gure printzipioetan argi diogu elkartasun pertsonal eta komunitarioa oinarrizkoak direla, eta aberastasuna sortzea eta banatzea beharrezkoa dela, horretarako proiektuen autonomia babestuz. Komunitateak behar dituen ondare komunak babestu behar dira, eta Errekaleor horixe da, herritarrek beraien ongizatea bermatzeko proiektu komuna. Bide horretan derrigorrezkoa zaigu, jendartearen bizi baldintzak bermatzeko ondare komunak defendatzeko elkartasuna eta auzo-laguntza eskaintzea.

Horregatik Errekaleorreko kide guztiei OlatuKoopeko kideon elkartasuna adierazi nahi dizuegu. Bihar larunbata 3 Gasteizen 17:30ean egingo den mobilizazioan parte hartuko dugu, eta dei egiten diegu Ekonomia Sozial Eraldatzaileko proiektu eta eragile guztiei bertan parte hartzera.

Beti paratuko gara bizitza proiektu eraldatzaileen alde. Errekaleor Bizirik!

Did you find apk for android? You can find new Free Android Games and apps.

Profile photo of olatukoop

1

Olatukoop

Ekonomia sozial eta eraldatzailean jarduten dugun enpresa, elkarte, erakunde eta kooperatibek osatzen dugu OlatuKoop sarea. Kideen arteko elkartasuna, jendartearen ongizatea, eta gure jarduera ekonomikoak ondare komunari ekarpen bat egitea dira gure helburuak. Horregatik enpresa proiektuak komunitate bezala izendatzen ditugu, ohiko enpresak baino askoz gehiago baitira eredu honetan.


Leave a Reply