Bloga

Proiektu profesional eta ekimen sozio-ekonomikoak martxan jartzen laguntzeko programa, Kooperatiba Fabrika martxan da. Iaz 20 proiektu baino gehiago abian jartzen lagundu ondoren, Arianne Kareaga Lanki Ikertegiko teknikariak esan digunez, aurten ere parte hartzearekin oso gustura daude. Komunitatearen beharretatik abiatu eta komunitatean saretzen da, autoeraketan oinarritutako eredu demokratikoa da eta proiektuaren bideragarritasuna hartzen dute kontuan.

Hilaren 24an Donostiako Koldo Mitxelena liburutegian, ‘Nortasuna Sarean’ izeneko jardunaldiak antolatu ditu Tapuntu kooperatibak. Mikel Olaizek esan digunez, sarean egiten den lana ikusgarriago egiteko eta sarera edukia igotzeko orduan zure publikoarengana nola iritsi erantzuteko jardunaldiak izango dira. Hitzaldi eta solasaldia antolatu dituzte urririk, eta aldez aurretik apuntatu behar da bertara joateko.

Ekonomia sozial eraldatzailean oinarrituta, Izarkom kooperatiba sortu dute. Gari Garaialdek kontatu digunez, Euskal Herria osoan telefonia mugikorra, finkoa eta Internet zerbitzuak eskaintzen hasiko dira. Produktu komertzial gisa saldu ordez, eskubide gisa ulertzen dute Izarkomen komunikazioa. Tokian tokiko eragileekin hartu-eman handia izan nahi dute.

OlatuKoopeko partaide den Farapi kooperatibak enpresek uzten duten aztarna soziala aztertzeko Erantzunkidetasun Soziala neurtzeko tresna sortu du. Nicola Foronik esan digunez, enpresek zaindu beharrezko elementuak dituzte, tartean gizarteari edo inguruneari egiten dioten ekarpena. Hori neurtu eta ardura sozial hori egitera bideratzen dituzte Farapiko lagunek.

Landakon bertan kulturan digital askean diharduten pertsonen topaleku izaten da Kabi@ gunea. Baina horretan interesa dutenentzat ere badu eskaintza. Gorka Julio, OlatuKoop sareko Talaios kooperatibako kidea da antolatzaileetako bat. Esan digunez, Kabi@n bestelako aditzek dute pisua, “ekin eta egin” aditzek.

Alternatiben Azoka izango da abenduaren 2an Hernanin. OlatuKoopen baitako Tapuntuko Ainhoa Iribarrrek kontatu digunez, postuez gain, tailerrak eta hitzaldiak egongo dira. Ekonomia sozial eta eraldatzailean dihardutenen jarduna ezagutu, eta euren arteko elkarlana sustatzeko ere balio du azokak Iribarren aburuz. Bizitzaren alor guztietan sortzen ari diren alternatibak erakusteko helburu garbia du gehitu du Tapuntuko lagunak.

Larunbatean, azaroak 18, Ekonomia Solidarioaren V. Azoka izango da Errenterian. Sektore ekonomiko anitzeko 55 entitatek euren produktu eta zerbitzuak erakusgai izango dituzte, euskal ekonomia solidarioa sendotu eta ikusarazteko.  Hazkundean dagoen errealitate sozioekonomiko honek, bere praktiken bitartez, gaur egungo krisialdiari erantzun errealak eskaintzen ditu sektore ezberdinetan. OlatuKoopeko Nagore Vegak azaldu digu guztia.  

Larunbatean, azaroaren 18an, Ekonomia Solidarioaren V. Azokan izango gara Orereta-Errenteriako Merkatuzarren Ekonomia bizitzaren zerbitzura – Cooperar para transformar-nos lelopean. Zertan datza? Ekonomia Solidarioaren/Eraldatzailearen Azoka Gipuzkoara itzuliko da, V. edizioan. Azoka Orereta-Errenteriako Merkatuzarren ospatuko da azaroaren 18an, 11:00etatik 20:00etara. Aurten ere, Azoka, Ekonomia Solidarioa/Eraldatzailea indartu eta ikustarazi nahi duen espazioa da. Ekonomia Solidarioa/Eraldatzailea, ekoizpen, zerbitzu, komertzializazio, […]

European United Left taldeak antolatutako Ekonomia Sozial eta Solidarioen mintegian ari dira parte hartzen OlatuKoopeko lagunak, tartean Beñat Irasuegi. Talaios kooperatibako kideak azaldu digunez, Europa mailan etorkizuna duen eredu honen inguruko argipenak eta elkar ezagutzea dituzte xedetzat.

Koop57k finantza zerbitzu etiko eta solidarioa eskaintzen du. Sarean oinarritzen den kudeaketa eredua dute, eredu horizontala eta lurraldearekiko konprometitua. Liher Gonzalezek esan digunez, Koop57ren funtzionamenduan ezinbestekoa da pertsonen zein erakundeen parte hartzea. Lan urte berrian dituzten erronkak aipatu dizkigu Gonzalezek.