Bloga

Martxoaren 8an OlatuKoopeko emakumeok* ere planto

Prekarizazio, pobrezia, arrazakeria, lan erreproduktiboen krisia eta zerbitzu publikoen murrizketa bortitzen testuinguru honetan; biolentzia matxista espazio guztietan presente dugun une honetan; kapitalismoak gure gorputzekin eta bizitzekin negozioa egin nahi duen sistema honetan… kapitalaren eta bizitzaren arteko talka konponezina da.

OlatuKoopen gure aletxoa jartzen dihardugu burujabetza anitzetatik, auto-eraketatik eta ekimen kolektibotik, alternatibak eraikiz eta eraldaketarako espazioak sortuz. Bide horretan, eraldaketa horren ardatz garrantzitsua dugu feminismoa. Horregatik, martxoaren 8 honetako emakumeon* greba feminista deialdira atxikiz, OlatuKoopeko emakumeok* bat egiten dugu Euskal Herriko nahiz mundu mailako mugimendu feministen ekimenarekin. Patriarkatuak eta kapitalismoak hartzen dituzten hamaika aurpegien aurrean, guk ere bizitza erdigunera ekarriko dugu. eta emakumeok* pairatzen ditugun zapalkuntza anitzen aurrean planto egin.

Guk ere mundua geldituko dugu, mundua mugitzeko!

0

OlatuKoop

Ekonomia sozial eta eraldatzailean jarduten dugun enpresa, elkarte, erakunde eta kooperatibek osatzen dugu OlatuKoop sarea. Kideen arteko elkartasuna, jendartearen ongizatea, eta gure jarduera ekonomikoak ondare komunari ekarpen bat egitea dira gure helburuak. Horregatik enpresa proiektuak komunitate bezala izendatzen ditugu, ohiko enpresak baino askoz gehiago baitira eredu honetan.


Leave a Reply